«Միսս Տիեզերք» մրցույթն անցկացվելու է Ռուսաստանում
«Միսս Տիեզերք» գեղեցկության մրցույթն անցկացվելու է նոյեմբերի 9-ին, Մոսկվայի Crocus City Hall-ում:
РИА Новости-ի փոխանցմամբ, մրցույթը Ռուսաստանում անցկացնելու որոշման մասին դրա սեփականատեր, միլիարդատեր Դոնալդ Թրամփը հայտարարել է «Միսս ԱՄՆ»-ի ժամանակ՝ հատուկ ընդգծելով, որ մրցույթը կայանալու է Սոչիում ձմեռային Օլիմպիական խաղերից մի քանի ամիս առաջ: Թրամփը գոհունակություն է հայտնել, որ 60-ամյա պատմության ընթացքում առաջին անգամ գեղեցկության մրցույթն անցկացվելու է Մոսկվայում: Գեղեցկության թագը կրելու պատվին արժանանալու համար մրցելու են գեղեցկուհիներ աշխարհի 90 երկրներից:
Հիշեցնենք, որ «Միսս Տիեզերք»-ի մասնակիցներն ընտրվում են ազգային գեղեցկության մրցույթների արդյունքում: Օրերս «Միսս ԱՄՆ» տիտղոսին արժանացել էր Կոնեկտիկուտ նահանգից Էրին Բրեդին:
PSY-ն երգ կգրի Queen-ի կիթառահարի հետ
Հարավկորեական ռեփեր PSY-ն Queen-ի կիթառահար Բրայան Մեյի հետ ռեմիքս կգձայնագրի երգչուհի Քերի Էլիսի երգերից մեկի հիման վրա:
Ըստ The Sun-ի, հատկապես ո՞ր երգի մասին է խոսքը՝ առայժմ չի հստակեցվում: Մեյն ինքն է PSY-ին առաջարկել համատեղ կոմպոզիցիա ձայնագրել՝ իմանալով, որ հենց Queen-ի ստեղծագործության հանդեպ մեծ սերն է նրան ստիպել երաժշտությամբ զբաղվել: Երգի թողարկման հնարավոր ժամկետները չեն նշվում:
PSY-ի հետ առաջին հանդիպումից հետո Բրայան Մեյը նրան բնորոշել է որպես ընկերասեր եւ շատ խորը մարդ, ում պոտենցիալը մեկ հիթով չի սահմանափակվում:
Փերիս Ջեքսոնն իմացել է, թե ով է իր իսկական հայրը
Փոփ արքա Մայքլ Ջեքսոնի դուստր Փերիսն իմացել է, որ երգիչն իր իսկական հայրը չէ:
Ըստ The Sun-ի, 15-ամյա Փերիսը փորձել է ինքնասպան լինել, երբ իմացել է, որ Մայքլի ընկերը՝ Մարկ Լեսթերն է իր կենսաբանական հայրը: Ավելի վաղ հաղորդվում էր, որ աղջիկն այդ քայլին դիմել է, քանի որ իրեն արգելել էին մասնակցել ռոքեր Մերիլին Մենսոնի համերգին: Նա փորձել էր ինքնասպանություն գործել, սակայն նրան հասցրել էին տեղափոխել հիվանդանոց, որտեղ ներկայում վերականգնողական կուրս է անցնում: «Փերիսը միշտ ցանկանում էր հավատալ, որ Մայքլն իր իրական հայրն է, եւ շատ էր վախենում, որ դա կարող է սխալ լինել»,- ասել է Ջեքսոն ընտանիքի ընկերներից մեկը:
Էնն Հեթըուեյը՝ նոր ֆիլմի նկարահանումների հրապարակում
Ճանաչված դերասանուհի Էնն Հեթըուեյը մասնակցում է «Երգ N1» ֆիլմի նկարահանումներին:
Ըստ Huffington Post-ի, 30-ամյա դերասանուհին նկարահանումների հրապարակում եղել է ամուսնու՝ Ադամ Շուլմանի հետ, ով ֆիլմի պրոդյուսերն է: Էննը հանդես է գալիս հնագետի դերում, ով սիրահարվում է եղբոր սիրելի երաժշտին: Նա հագել էր կապույտ ջինս, բաճկոն, բաց գույնի մարզաշապիկ, մանուշակագույն շարֆ եւ հարթ ներբանով կոշիկներ:
Հիշեցնենք, որ վերջին հարցազրույցներից մեկում Էնն Հեթըուեյը հայտնել էր երեխա ունենալու ցանկության մասին: Դերասանուհու խոսքով, այդ մասին երազում է 16 տարեկանից:
Քիմ Բեսինջերը կնկարահանվի մանկական մարմնավաճառության մասին ֆիլմում
Հոլիվուդյան դերասանուհի Քիմ Բեսինջերը դանիական ռեժիսոր Անդերս Մորգենթալերի «Փոքրիկը» ֆիլմում գլխավոր դեր կխաղա:
Ըստ The Hollywood Reporter-ի, Բեսինջերը հանդես կգա Մարիա անունով հաջողակ, բայց անպտուղ կնոջ դերում, ով որոշում է երեխա որգեդրել: Սյուժեի համաձայն, արդյունքում Մարիան բախվում է Արեւելյան Եվրոպայում մանկական մարմնավաճառության հանցավոր աշխարհին:
Բեսինջերի հետ միասին ֆիլմում նկարահանվելու են կանադական գաճաճ դերասան Ջորդան Պրենտիսը, շվեդ դերասան Պետեր Ստորմարեն, ավստրիական դերասանուհի Սոֆի Ռոիսը եւ գերմանացի Սեբաստիան Շիպերը: «Փոքրիկը» ժապավենի նկարահանումներն արդեն մեկնարկել են Համբուրգում: Նախատեսվում է այն թողարկել 2014 թվականին:
Ռիհաննան Փարիզում զվարճանում է
Հանրահայտ երգչուհի Ռիհաննան ժամանել է Ֆրանսիա եւ սկսել դիտել մայրաքաղաքի տեսարժան վայրերը:
25-ամյա երգչուհուն օրերս նկատել են Էյֆելյան աշտարակից ոչ հեռու, որտեղ նա իր խմբի անդամների հետ հիշատակի լուսանկարներ էր անում: Աստղը հագել էր սպիտակ շապիկ, կապույտ պատռված ջինս եւ բարձրակրունկ կոշիկներ: Ռիհաննան երջանիկ տեսք է ունեցել եւ հաճույքով ինքնագրեր է բաժանել երկրպագուներին:
Քիմ Քարդաշյանին մեղադրել են անհավատարմության համար
Քրիս Համֆրիսի նախկին սիրելի Միլա Սինանաժը Քիմ Քարդաշյանին մեղադրել է նրա նախկին սիրեցյալ Ռեգգի Բուշին անհավատարիմ լինելու համար: Սինանաժը հայտարարել է, թե Քիմին օգնել է հյուրանոցներում հանդիպել Քանիե Ուեսթի հետ այն ժամանակ, երբ Քարդաշյանը հարաբերություններ ուներ ֆուտբոլիստ Ռեգգի Բուշի հետ: Այն ժամանակ Միլան աշխատում էր որպես W Hotel-ի մենեջեր, որտեղ կայացել են Քիմի եւ Քանիեի գիշերային հանդիպումները:
Չենինգ Տատումը եւ Ջեննա Դեւանը երեխա են ունեցել
Ամերիկյան դերասաններ Ջեննա Դեւանի եւ Չենինգ Տատումի առաջնեկը, ենթադրաբար՝ դուստր, լույս աշխարհ է եկել Լոնդոնի հիվանդանոցներից մեկում:
Ըստ Us Weekly-ի, Դեւանն ու Տատումը մարտից Լոնդոնում են, քանի որ դերասանի մասնակցությամբ նոր ժապավենի նկարահանումներն անցկացվում էին բրիտանական մայրաքաղաքում: Քանի դեռ ամուսինը զբաղված էր ֆիլմում աշխատանքով, Ջենննան հաճախում էր յոգայի եւ ապագա մայրերի համար դասընթացների, ինչպես նաեւ զբոսնում էր երկու շների հետ:
Ջենիֆեր Լոուրենսը՝ «Իքս մարդիկ» ֆիլմի նկարահանումներում
Դերասանուհի Ջենիֆեր Լոուրենսը շարունակում է նկարահանվել «Իքս մարդիկ. անցած ապագայի օրերը» ֆիլմում:Քիմ Քարդաշյանը պաշտոնապես հայտարարել է երեխայի սեռը
Ռեալիթի-շոուի աստղ Քիմ Քարդաշյանը վերջապես խոստովանել է, որ աղջիկ է ունենալու:
Ըստ EOnline-ի, այս մասին Քիմը հայտարարել է իր ռեալիթի-շոուի հերթական թողարկման ժամանակ: «Ես այնքան հուզված եմ, որ դուստր եմ ունենալու: Ո՞վ չի ցանկանում աղջիկ ունենալ»,- զգացմունքները չի կարողացել զսպել Քարդաշյանը: Հարկ է նկատել, որ երբ Քիմն իմացել է երեխայի սեռը, նրա ընկերը՝ Քանիե Ուեսթը, կողքին չի եղել: Քիմը եղել է քույրերի՝ Քորթնիի ու Քլոեի, ինչպես նաեւ մոր՝ Քրիս Ջեների շրջապատում:
Ռիհաննան աշխարհի ամենասեքսուալ կինն է
Տղամարդկանց Complex ամսագիրը փոփ երգչուհի Ռիհաննային ճանաչել է մոլորակի ամենասեքսուալ կին:
Հրատարակության համաձայն, վարկանիշում ընդգրկվել են դերասանուհիներ, երգչուհիներ, հաղորդավարուհիներ, մոդելներ եւ հայտնի այլ աստղեր:
Subscribe to:
Posts (Atom)